Ce poème est dédié aux jeunes

sénégalais contraints à l’émigration

à bord de pirogues de fortune

Abubakar KAMARA, 30 mai 2006

 Suma jottoon ci picc mi yéék

Ci gaalgi laa am ‘’VISA’’

‘’VISA’’téér mbaa suux

Ku amul ndey nampë maam

Dajale naa lima yor

Yooru ba booru Ngor

Jaayante ak sama ngor

Ngir tekki ni samay moromu goor

Witti  ‘’Reseŋ’’ bittim rééw

Mooma gënël tumranke ci sama rééw

Jaral nama Yaayi Baayam [1] forri neew

Mooko gënël dundë bu njëriŋ la neew

Ñii may yedd ngir ma toog

Nañu ma feqeel ci luma toog

Su dem laajoon raam

Ma fabbu def ni jaan

Sooma mënula teyye

Tee nga ma teg ci yoon wu  teey

Ndax ñii neenañu maa yey

Limay soobu maako tey

Buñu manee diw yeggëna ci jamm

Sama yaakaar yokku, may waaj dem ci jamm

Buñu manee  diw desna ci gééj gi

Sama adduna tukki te duma teree tukki.

[1] Yaayi Baayam Diouf est la mère de Alioune MAR, son fils unique, âgé de 26 ans, emporté par la mer le 12 avril 2006 sur le périlleux chemin de l’émigration clandestine en Europe. Elle avait encouragé son fils à partir, « il savait qu’il risquait sa vie mais il a fait un choix réfléchi », disait-elle, les larmes aux yeux. Yaayi Baayam qui habite à Thiaroye, dans la banlieue dakaroise, avait vu son fils économiser difficilement 575.000 FCFA (875 euros) en élevant des moutons après s’être essayé à la maçonnerie et à la peinture. Signalons que Yaayi Baayam est le nom généralement donné à une femme homonyme de sa grand mère paternel.

Señ Murtadaa[1], suñu mos, mi ñu uuf, mi ñu yëk

Señ Murtadaa, mi seede sa taxawaay bu jekk

Moom mi la dénkaane

Te mënuula jaawale

Firnde bii de yéem nama

Kumu doyul, man doyna ma

Xel yi andë daw ba Rëbës

Gët yi andë lendëm kuruus

Nopp yiy riir, déggë tuñu

Xol yi fees bay tuuru

Xamuma ku ñakkul tey

Waaye ñakk nga ndéey

Jappal ne ñakkuloo dara

Ndax am nga Seriñ Murtadaa

Mi dëkk ci samp daara ak jakka

Saxxoo alxuraan ak ay rakka

Di sakkal ligééy ndaw ñi

Di saxalal njël mag ñi

Jërëjëf Señ Murtadaa, siggi ko ndigaale Mbay…

Ziar naala ko

Melal ni ku nekk ci néegam ba ca sa kër.

Bubakar KAMARA

Dimanche 8 août 2004

[1] Ce poème est une lettre de condoléances adressée à mon ami Mbaye Diouf DIA, un fervent talibé de Serigne Mourtada MBACKE qui avait instauré la tradition de prendre dle départ de son domicile à Yoff pour sa tournée annuelle aux Etats Unis.

Le Cheikh fut rappelé à Dieu au moment où Mbaye Diouf Dia était injustement emprisonné en même temps que d’autres agents des douanes. Il fut relaxé purement et simplement après un procès qui révéla une grosse cabale.

Señ Salihu[1], wacc liggééy, laqu…

Ajuma jooju, mu ngi noonu !

Senegal ak Adduna ňakk

Lu yagg te wër tey ňak

Ku sax ci xol yi ak xel yi

Lii moo waral rongoň yi di xelli

Ňayu xare weetal na Xelxom

Gooru Yalla mi ittewoo Koom koom

Cey! Suma mënoon dellu tuut tank

Nga mey ma may dirééku ci say tank

Tuuba, Tuuba, fu soriwoon te jeggesi

Fune waay yennoo fa, yeksi

Jaljalu adduna ňu yebbi

Moom du ci yëy, du ci yabbi

Bu yekkatee kaddu, xiir ňu ci suňu Borom

Bu addoo, ňaax ňu ci liggééy ak jom

Bu dellusee, jubbanti  jikko yi ak jëf yi

Bu waqee, joxoň Kaamil bi ak Xasida yi

Lima am ci moom xéébu mako

Siňatiir ba firndeel nako

Cere céép bimu ma desal

Soxlaatuma luko reesal

Vendredi 29 décembre 2007

[1] Ce poème est dédié à  Serigne Saliou MBACKE, défunt Khalife général des Mourides

Maa Takko[1] yaa jara woy

Maa Takko yaa jara kañ

Fanaane uuf, yendoo bóót

Di naq guddek bëccëk

Dëkkë di fac, dëkkë di aar

Li nga attan ci doom

Mburu ñeme wuko ci taal

Maa Takko yaa jara woy

Maa Takko yaa jara kañ

Jog nga njël bidënti woo

Gis bi dërëm jaree njëgëm

Teewe bi añ di seddë réér

Seede bi ñakk di xañ teranga

Fekke bi muñ doone wurus

Maa Takko yaa jara woy

Maa Takko yaa jara kañ

Foo mënna nekk ci loo mënna taxaw

Sa liggééy moolay wallu di la jagleel

Barke ak teranga yiy sa fey

Sa xollu yërmande moolay taxawu

Yaag sa njaboot bi ngay noyyee

Bubakar KAMARA

04/02/1990

Ku degg lii, sa xel ne yar ci Sëriñ Mansur

Buko waxaan ci diggi jangale mi

Waaw yi addoo ndoo

Ñëpp yakkamti taataan ci xam xam bi

Ma demmam ?[1]

Ce poème est dédié à Serigne Mansour SY, défunt Khalife général des Tidjanes. Au cours de ses succulentes conversations, il avait l’habitude, par souci pédagogique, en vue s’assurer que son auditoire le suivait bien, de poser la question suivante « Ma demmam ? » qui signifie « Puis-je continuer ? ».

Biñu lay wax demal

Waxuñu woon nga laqu

Dañu bëggon rek nga xellil ñu

Ci sa gééju xam xam

Ma demmam ?

Yow nga nax ñu ba dem

Fi nga jëm umpula

Wante di nga weetal jamono

Ndax sa xaas wërna adduna

Ma demmam ?

Sa gammu « garantina »

Sa xasida waxi-noppi

Tey nak la mbir mi « Alaa Dawme »

Ndax sër wodd na malaan

Ma demmam ?

Xol tooy na and ak jaaxle

Yow Sëriñ Mansur

Ci Yiw bi ak leer gi

Yaa yéeg bañu fi

Ma demmam ?

Yow mi aay ci aajo yi ak taax yi

Yow mi ëmb « daraa » yi ak daara yi

Yow miy « baranse » te doo botti

Yow miy  doxloo lu taxaw, tey dowloo luy dox

Ma demmam ?

Buñula mënoona abb ab diir

Suñu fukki loxo du doy ngir jafandu

Suñu fukki óom du om ci wommatu ci say tank

Ba suuf sedd ba melni bii nga woomal Tiwaawan

Bubakar Kamara

Décembre 2012

Serin Salihu, wacc liggééy, laqu…

Ajuma jooju, mu ngi noonu !

Senegal ak Adduna ňakk

Lu yagg te wër tey ňak

Ku sax ci xol yi ak xel yi

Lii moo waral rongoň yi di xelli

Ňayu xare weetal na Xelxom

Gooru Yalla mi ittewoo Koom koom

Cey! Suma mënoon dellu tuut tank

Nga mey ma may dirééku ci say tank

Tuuba, Tuuba, fu soriwoon te jeggesi

Fune waay yennoo fa, yeksi

Jaljalu adduna ňu yebbi

Moom du ci yëy, du ci yabbi

Bu yekkatee kaddu, xiir ňu ci suňu Borom

Bu addoo, ňaax ňu ci liggééy ak jom

Bu dellusee, jubbanti jikko yi ak jëf yi

Bu waqee, joxoň Kaamil bi ak Xasida yi

Lima am ci moom xéébu mako

Siňatiir ba firndeel nako

Cere céép bimu ma desal

Soxlaatuma luko reesal

Vendredi 29 décembre 2007

Bubakar Kamara